Katër bukëpjekës, që u bllokuan në një furrë buke për dy ditë pas uraganit Harvey, prodhuan mijëra bukë për t’ia dhënë familjeve të prekura nga përmbytjet.
Punëtorët e ‘El Bolillo Bakery’ në Teksas përdorën gati 2 mijë kg miell për të pjekur bukë gjatë natës dhe ditës.
Ata vendosën ta bëjnë këtë gjë kur kuptuan se nuk mund të dalin në rrugë prej përmbytjeve të mëdha që kishin bllokuar zonën.
Furra prodhon më shumë ëmbëlsira meksikane dhe për fatin e mirë nuk i ishte ndërprerë rryma elektrike, prandaj mund të përgatisnin sa më shumë bukë.
“Kur kuptuan se ishin bllokuar, ata vendosën të punojnë që të ndihmonin edhe komunitetin. Kur pronari arriti në furrë, ata kishin bërë aq shumë bukë sa u morën menjëherë për tu shpërndarë në zonat emergjente”, tha Brian Alvarado për Independent.
Vetëm shtëpia e njërit prej bukëpjekësve kishte dëme, ndërsa të tjerët u kthyen të qetë në banesat e tyre. /tesheshi.com/
