Triumfi i Boris Johnson ka marrë bujë në mediat botrore, por më të ngazëllyerat duket të jenë mediat turke të cilat pa përtesë po raportojnë për rrënjët osmane të kryeministrit britanik.
Boris Johnson, sërnipi i një ministri osman, i ka bërë bashkëqytetarët e tij turq nga provinca veriore e Çankırı mjaft “krenar”, shkruan Hurriyet.
Dhe gjenet duket sikur rrjedhin nëpër vena.
Emri i fisit të famijes së Johnson quhet “Sarioglangiller”, që do të thotë djemtë flokëverdhë. Dhe më flokëverdhë se Boris Johnson, s’ka ku shkon.
Stërgjyshi i Johnson, Ali Kemal, ishte gazetar dhe politikan osman. Ai shërbeu për tre muaj si ministër i brendshëm në qeverinë e Damat Ferit Pashës. Ai gjithashtu mbajti postin e ministrit të arsimit.
Babai i Ali Kemalit, Haxhi Ahmet Rıza Efendi ka lindur në fshatin Kalfat të Çankırı, në vitin 1813.
Si kundërshtar i Luftës së Pavarësisë Turke 1919-1923, Kemal jetoi në mërgim në Evropë.
Boris Johnson në fakt i ka ndjekur hapat e stërgjyshit të tij, një prej gazetarëve më të mirë të vendit, i shndërruar në politikan.
Para disa vitesh, Johnson ka vizituar Stambollin duke vëzhguar në cdo cep lagjen ku dikur jetoi stërgjyshi i tij. Ai, madje kërkoi të takohej me kushërinjtë.
Nga kureshtja, Johnson kishte kërkuar të shihte arkivat e gazetave ku shkori askokohe Ali Kemal.
Boris, një njeri ekscentrik dhe me personalitet të paqartë, e ka ndërruar emrin, por edhe mbiemrin. Ai nuk deshi të mbante emrin e lindjes, Alexander, duke preferuar të quhej Boris.
Si fëmijë ai ndërroi shumë vendbanime madje edhe përtej oqeanit. Duke u shkolluar në universitetet më të mira të Britanisë së Madhe, ai konsiderohet si “i nxjerrë nga elita, për elitën”. /tesheshi.com/
