Forcat turke të sigurisë kanë konfiskuar mbi 4.500 kilogramë marihuanë dhe pothuajse 185 mijë rrënjë kanabis sativa gjatë një operacioni kundër grupit terrorist PKK në juglindje të vendit
Operacioni u krye nga komanda e xhandarmërisë provinciale e rrethit Lice të provincës Diyarbakir dhe gjithsej 4.562 kilogramë marihuanë dhe 18.900 rrënjë kanabis sativa u konfiskuan, thuhet në një njoftim.
Dy të dyshuar u arrestuan në operacionin antiterrorist dhe antidrogë që filloi më 22 tetor në provincë.
Gjithashtu u shkatërruan dy strehimore të përdorura nga terroristët dhe mjete shpërthyese artizanale të gropuara nën tokë.
PKK ka praninë kryesore në trafikun ndërkombëtar të drogës.
Sipas ministrit të Punëve të Brendshme, Süleyman Soylu, në Evropë PKK kontrollon 80 për qind të tregtisë së paligjshme të drogës dhe fiton rreth 1.5 miliardë dollarë në vit.
Në fushatën e saj terroriste mbi 30-vjeçare kundër Turqisë, PKK-ja e listuar si një organizatë terroriste nga Turqia, SHBA dhe BE-ja, ka qenë përgjegjëse për vdekjen e 40 mijë njerëzve, përfshirë shumë gra, fëmijë dhe foshnje. /AA/tesheshi.com/
