Eshtë bërë e zakonshme që sa herë afrohet fundi i prillit të ketë deklarata e kundërdeklarata shtetesh dhe autoritetesh qeverisëse në lidhje me ngjarjet e vitit 1915.
Presidenti amerikan i ka quajtur dje në një deklaratë incidentet e 1915-ës si “Meds Yeghern”, apo, ndryshe, “Fatkeqësi e Madhe”.
Ministria e Jashtme turke ka reaguar menjëherë dhe e ka çmuar përshkrimin e Obamës si një shembull të ri të tregimit të njëanshëm të historisë mbi vuajtjet e përjetuara gjatë Luftës së Parë Botërore.
Në një deklaratë të shkruar të Ministrisë së Jashtme turke thuhet: “Turqia ka treguar vullnetin për të ndërtuar një të ardhme të përbashkët me paqe, të mbështetur në përvojën e përbashkët jetësore për shekuj midis popujve turq dhe armenë. Eshtë e qartë se përpjekjet për ta politizuar dhimbjen e pësuar në histori nuk sjellin asnjë të mirë për askënd.”
“E ftojmë qeverinë amerikane,” vijon deklarata turke, “t’i vlerësojë faktet historike, të marrë në konsideratë dhimbjet e të gjitha palëve, e të adoptojë një qasje objektive, të arsyeshme dhe konstruktive.” /tesheshi.com/
