Turqia do të ngrejë një qytet-tendë për të strehuar deri në 80.000 refugjatë sirianë që pritet të largohen nga Halepi lindor, shkroi zëvendëskryeministri Mehmet Şimşek ne Twitter të martën.
Të martën u arrit një marrëveshje për armëpushim i ndërmjetësuar nga Turqia, duke lejuar kështu civilët dhe luftëtarët e opozitës për tu evakuuar nga Halepi lindor në mënyrë të sigurt.
Një zyrtar turk tha se opozitës do t’i lejohet që të mbajnë armë të lehta me vete sipas marrëveshjes, ndërsa autobusët do të bartin njerëzit nga Halepi në Idlib, nga ku ata do të jenë të lirë për t’u zhvendosur më tej. Ai tha se marrëveshja u arrit pas negociatave në mes të Turqisë dhe Rusisë, të cilët janë edhe garantues të marrëveshjes.
Civilët pritet të mbërrijnë në Turqi, ku aktualisht jetojnë 2.7 milionë sirianë./tesheshi.com/
