Turqia do të fillojë prodhimin masiv të tre sistemeve të mbrojtjes ajrore të projektuara dhe prodhuara me kapacitet vendas, njoftoi Drejtoria e Komunikimeve e vendit.
“Për të forcuar mbrojtjen kundërajrore të vendit tonë, u morën vendime për prodhimin e ri masiv të sistemeve Siper, Hisar dhe Sungar”, thuhet në deklaratën e Drejtorisë, pas mbledhjes së Komitetit Ekzekutiv të Industrisë së Mbrojtjes në Ankara.
Në takimin e kryesuar nga presidenti turk Rexhep Tajip Erdogan, u morën vendime për të paktën 25 projekte të ndryshme që lidhen me mbrojtjen e Turqisë, raporton Anadolia.
Projekti Siper udhëhiqet nga kompanitë turke të mbrojtjes Aselsan dhe Roketsan, si dhe Këshilli i Kërkimeve Shkencore dhe Teknologjike të Turqisë (TUBITAK).
Prodhimi masiv i municioneve
Përveç Siper, i cili pritet të rivalizojë S-400 rus, Turqia ka zhvilluar edhe sistemet e mbrojtjes ajrore Korkut, Sungur dhe Hisar.
Komiteti Ekzekutiv i Industrisë së Mbrojtjes vendosi gjithashtu të prodhojë në masë municione të ndryshme, duke përfshirë silurët Akya dhe raketat Tayfun, Atmaca, TRLG-230, Karaok, Gokdogan dhe Bozdogan.
“U ranë dakord gjithashtu për projekte të ndryshme të modernizimit të F-16-ve tanë, sisteme të reja për luftë elektronike dhe sisteme radari, platforma të ndryshme ajrore, tokësore dhe detare, sisteme komunikimi dhe informacioni, pajisje, simulime, logjistikë dhe siguri kibernetike”, thuhet në deklaratë. deklaratë.
Komiteti Ekzekutiv i Industrisë së Mbrojtjes theksoi nevojën për të zhvilluar të gjitha llojet e teknologjisë së mbrojtjes që Turqia blen nga jashtë me qëllimin e një “industrie të mbrojtjes plotësisht të pavarur”. /tesheshi.com/
