Izet Haxhia, ish-badigardi i Sali Berishës, do ekstradohet në Shqipëri pas një vendimi të autoriteteve turke, vend ku qëndronte prej vitesh. Ai, nga drejtësia shqiptare është i dënuar me burgim të përjetshëm i akuzuar për vrasjen e ish-liderit të dhjetorit, Azem Hajdari.
Ekstradimi i tij në drejtim të Shqipërisë mund të sjellë “surpriza” të reja.
Kjo, për shkak se Haxhia ka thënë se është gati të dëshmojë kundër Sali Berishës dhe të birit, për përfshirjen në veprimtari kriminale dhe korrupsion.
Tani mbetet për t’u parë se kur do të zbatohet ky vendim, por ai vjen në një kohë të trazuar për familjen Berisha, e cila rrezikon të përballet me një sërë dosjesh nga e kaluara.
Vitet e fundit, Izet Haxhia u bë aktiv në media sociale duke u angazhuar me shënime denoncuese ndaj ish-eprorit të tij, Sali Berisha, dhe kastës politike të drejtuar prej tij. /tesheshi.com/
