Vendkatastrofat e tërmeteve të së hënës në Turqi u vizituan nga kreu i diplomacisë greke Nikos Dendias, i shoqëruar nga homologu i tij turk, Mevlut Çavusoglu.
Nazir Çavuşoğlu Yunanıstanın xarici işlər naziri Nikos Dendias ilə birlikdə Hataya getdi pic.twitter.com/1GT0iijV39
— Ictimai TV (@TvIctimai) February 12, 2023
Ata u përqafuan ngrohtë para kamerave në Adana dhe më pas fluturuan me helikopter mbi zonat e prekura, përpara se të shkonin në Qendrën e Mbrojtjes Civile në Antakya, ku merren vendime për menaxhimin e ndihmës humanitare.
VİDEO HABER I Yunanistan Dışişleri Bakanı Dendias deprem bölgesini ziyaret etmek için Adana'ya geldi. Dendias'ı Dışişleri Bakanı Çavuşoğlu karşıladı, ikili beraber Hatay'a gidecek. pic.twitter.com/WPgmd53tdz
— serbestiyet (@serbestiyetweb) February 12, 2023
Të dy homologët ranë dakord që Greqia dhe Turqia të mos presin tërmete dhe fatkeqësi të tjera natyrore për të përmirësuar marrëdhëniet mes tyre.
Falënderojmë Greqinë për ndihmën”, theksoi Mevlut Cavusoglu, duke shtuar: “Shpresoj se do të bëjmë përpjekje për të zgjidhur mosmarrëveshjet tona përmes dialogut”. “Në ditë të tilla të vështira shihen fqinjët e mirë”, tha ministri i Jashtëm turk, duke shtuar se “nuk duhet të presim një tërmet për të përmirësuar marrëdhëniet dypalëshe”.
“Shprehim pikëllimin tonë për viktimat e tërmetit vdekjeprurës”, tha Nikos Dendias, duke iu referuar përpjekjeve të shpëtimit të bëra nga EMAK(skuadrat greke të shpëtimit). “Ne jemi veçanërisht të lumtur për jetët njerëzore të shpëtuara nga shpëtimtarët grekë dhe për jetët e shumta të shpëtuara nga shpëtimtarët evropianë, sepse patëm mundësinë të vizitojmë shpëtimtarët austriakë dhe holandezë. 205 jetë u shpëtuan prej tyre, mes tyre edhe grekët”, tha Dendias dhe shtoi: “Përpjekja e Greqisë për të ndihmuar Turqinë nuk ndalet këtu”. Siç tha ai, ka një urdhër nga kryeministri, Kyriakos Mitsotakis, që Greqia të bëjë gjithçka që mundet për të mbështetur Turqinë edhe në kuadër të pjesëmarrjes së saj në BE.
Μετέφερα στον @MevlutCavusoglu τα ειλικρινή συλλυπητήρια Κυβέρνησης & λαού της 🇬🇷 για τις χιλιάδες απώλειες συνανθρώπων μας στην 🇹🇷 & την υπερηφάνεια μου για τους διασώστες μας. Συμφώνησα ότι δε χρειάζεται να περιμένουμε φυσικές καταστροφές για να βελτιώσουμε τις σχέσεις μας. pic.twitter.com/Udqa5JHPVJ
— Nikos Dendias (@NikosDendias) February 12, 2023
“Do të doja të vija për gëzim, jo për fatkeqësi të tilla, por tani jemi këtu”, tha Nikos Dendias, kur mbërriti në Qendrën e Mbrojtjes Civile në Antakya. Nga ana e tij, Mevlut Çavusoglu duke folur para kamerave i tha korrespondentit të SKAI-t, Manolis Kostidis: “Jam shumë i lumtur me praninë e Nikos Dendias”.
Nikos Dendias u bë kështu ministri i parë i Jashtëm evropian që vizitoi Turqinë pas tërmeteve me pasoja katastrofale.
Nga ana tjetër, një gjeneral i xhandarmërisë turke falënderoi forcat greke për ndihmën që u ofruan, duke thënë: “Të dinë miqtë tanë grekë se turqit, vëllezërit e tyre, nëse – mos e thëntë Zoti – ndodh diçka, ne të parët do të nxitojmë. Vetëm me mbështetje reciproke mund të përballen fatkeqësi të tilla”. /tesheshi.com/
