Një pronar i një dyqani lodrash në në Konia të Turqisë po ofron dhurata për fëmijët nën moshën 11-vjeçare për të gjithë fëmijët të cilët lexojnë interpretimet arabe dhe turke të sures “Asr” nga Kur’ani.
Göktaş ka përdorur mediat sociale për të shpërndarë të quajturën prej tij “Fushatë e sures Asr”, në mënyrë që t’i bëjë fëmijët e vegjël më të ngazëllyer për të ardhur në dyqanin e tij dhe për të kuptuar më mirë Librin e Shenjtë.
I habitur nga fakti që fushata ka tërhequr kaq shumë vëmendje, Göktaş i tha Anadolu Agency se ai ishte shumë i kënaqur me rezultatin.
“Një familje erdhi në dyqan dhe mori disa lodra për fëmijë, por pastaj u desh t’i kthejë ato pas. Kur pashë fëmijën të mërzitur, ju thashë: “Unë do t’ju jap çfarëdo lodre që dëshironi nëse mësoni përmendësh versionin arab dhe turk të sures Asr”, tha Göktaş, duke shpjeguar frymëzimin e tij për fushatën.
“Fëmija erdhi një ditë më vonë dhe mori lodrën e tij të dëshiruar pasi kishte mësuar suren dhe kuptimin e saj. Më pas, nëj bashkëmoshatar i tij më pyeti nëse do t’ia dhuroj edhe atij një lodër në qoftë se edhe ai do të mësojë përmendësh këtë sure. “I thash po, dhe kështu fushata filloi fushata jonë”, tregon Göktaş.
Göktaş shpjegoi se ka nisur këtë fushatë për të inkurajuar fëmijët që të lexojnë dhe kuptojnë Kur’anin. Ai thotë se për lëtë ka marrë urime dhe falenderime përmes telefonit nga i gjithë vendi.
Fushata ngjan të jetë duke funksionuar shumë mirë, dhe kjo iniciativë ka nxitur tek fëmijët një interesim të ri për leximin e Kur’anit. “Prindërit e fëmijëve më kanë telefonuar për të më shpjeguar se fëmijët e tyre kanë filluar ta lexojnë tashmë Librin e Shenjtë vetë në shtëpi, duke iu falenderuar fushatës”, vazhdoi Göktaş.
“Kjo na bën neve shumë të lumtur. Për sa kohë që fëmijët vazhdojnë të vijnë, kjo fushatë do të vazhdojë”, shtoi ai.
Asr është sureja e 103-të e Kur’anit. /tesheshi.com/
