Presidenti turk Rexhep Tajip Erdogan ka njoftuar se linja ajrore kombëtare e Turqisë do të riemërohet Turkiye Hava Yollari, tani Turkish Airlines, si pjesë e përpjekjeve për ta bërë vendin e tij të njohur ndërkombëtarisht si Turkiye në vend të Turqisë.
Në fillim të këtij muaji, Ankaraja i dërgoi një letër Kombeve të Bashkuara, duke regjistruar zyrtarisht emrin e vendit në Turkiye, në vend të Turqi.
Turqia quhet Turkiye që nga viti 1923, kur shpalli pavarësinë.
Qeveria e Erdoganit beson se emri Turkiye përfaqëson më mirë kulturën dhe vlerat turke.
Nga ana tjetër, disa vëzhgues pohojnë se është një përpjekje për të ndarë emrin e vendit nga zogu i gjelit të detit, emri i të cilit në anglisht shkruhet “turkey”.
“Turqia nuk ekziston më. Kjo është Turkiye”, tha Erdogan.
Ai shtoi se Turkiye Hava Yollari do të shkruhet në avionët e Turkish Airlines në të ardhmen.
Kombet e Bashkuara dhe NATO kanë filluar zyrtarisht të përdorin emrin e ri të vendit dhe disa zyrtarë të rangut të lartë kanë folur “Turkiye” gjatë një vizite në Ankara. /tesheshi.com/
