Dy turiste amerikane nga Kalifornia janë cituar nga policia e Romës të kenë gdhendur inicialet e tyre në një mur të Koloseut, e më pas të kenë bërë autofotografi për ta regjistruar vandalizmin e tyre, bëri të ditur media shtetërore italiane.
ANSA, agjencia shtetërore italiane e lajmeve, raportoi se dy femra, 21 dhe 25 vjeç, përdorën një monedhë për të dëmtuar një mur tulle në pjesën perëndimore të amfiteatrit, që daton në shekullin e parë të erës së re.
Një udhërrëfyes turistik e pikasi vandalizmin dhe thirri policinë, e cila i mori në pyetje turistet përpara se të shprehej për “dëmtim të rënduar të një ndërtese me interes historik apo artistik,” u shpreh ANSA.
Sipas policisë, dy turistet kërkuan të falur dhe thanë se nuk e kuptuan se diçka e tillë ishte aq serioze.
Femrat nuk u identifikuan në njoftimet, dhe nuk u bë e qartë nëse do të paguanin gjobë.
Koloseu, i cili dikur priste mijëra spektatorë në dyluftimet e gladiatorëve, është pjesë kyçe e qendrës historike të Romës. /tesheshi.com/
