Britaniku 31-vjeçar ka marrë vendimin për t’u tërhequr nga turi çiklistik i Francës për t’iu përkushtuar përgatitjeve për Lojërat Olimpike, që nisin në fillim të gushtit.
Cavendish ka bërë një paraqitje mjaft të mirë deri tani, duke fituar katër prej garave të Turit të Francës, të parën, të tretën, të gjashtën dhe të katërmbëdhjetën.
Ndërsa garon në këtë tur për ekipin afrikanojugor Dimension Data, ai ka pohuar mbrëmjen e së martës se po e braktiste aktivitetin për t’u përgatitur për Lojërat Olimpike, me shpresën për të fituar një medalje në Brazil, diçka që nuk e ka provuar më parë.
Siç pohon ai vetë, garat do të kishin “efekt të dëmshëm” nëse ai do të vijonte të pedalonte në Turin e Francës, ku sot nisin ngjitjet malore.
“Pas të nxehtit dhe intensitetit të garave të shkuara, ne analizuam nivelet e mia të lodhjes dhe vendosëm që jam në një pikë që do të kishte një efekt të dëmshëm mbi objektivin tim tjetër të madh për këtë vit, Lojërat Olimpike.”
Cavendish i ka çuar në 30 garat e fituara në Turin e Francës, por ndryshe kësaj, në dy pjesëmarrjet e tij të mëparshme në Lojërat Olimpike nuk ka arritur të sigurojë një medalje. “Me pikëllim të madh” e ka përshkruar ai largimin nga Turi i Francës, në kërkim të përmbushjes të një tjetër objektivi. /tesheshi.com/
