Presidenti amerikan Donald Trump tha se ndonjëherë i vjen keq për postimet e tij në Twitter dhe pranoi se ai mund të jetë impulsiv në atë rrjet social.
“Retweet-et pothuajse gjithmonë janë problem…,” tha ai dhe pranoi se jo gjithmonë i kontrollon me kujdes njerëzit, postimet e të cilëve ai riposton në llogarinë e tij në Twitter.
Në një bisedë me Dave Portnoy, themeluesin e portalit sportiv Barstool, Trump theksoi se ai mund të jetë më i mirë nëse mund të jetë më i kujdesshëm.
Ai shtoi se nuk i sheh komentet e tij në internet si problem, por postimet e mbështetësve të tij që ai përcjell.
Trump tha se i pëlqen të jetë në mediat sociale, “ndonjëherë edhe shumë”. /tesheshi.com/
