Vjen dhe takimi i tretë në rradhë i Presidentit Trump me një lider të huaj dhe jo dosido. Bëhet fjalë për kryeministrin kanadez, Justin Trudeau, që duhet thënë se e është e e kundërta fund e krye e Trump-it. Pra veç pushtetit dhe anglishtes që flasin, asgjë nuk i lidh mes tyre në karakter, sharm dhe komunikim.
Siç kanë bërë me dije këshilltarët e shefit të qeverisë kanadeze, në takim pritet që temë kryesore të jetë Marrëveshja Amerikanoveriore e Tregtisë së Lirë (NAFTA) mes Kanadasë, SHBA-së dhe Meksikës, e kritikuar nga Trump.
Trudeau deklaroi dhe vetë se këtë takim do të diskutohet gjithashtu mbi faktin se miliona vende pune në të dyja anët e kufirit varen nga fluksi i rregullt i të mirave materiale dhe shërbimeve.
E ndërsa Trump gëzon famën negative të njeriut me deklarime dhe qëndrime kontraverse, sidomos ndaj emigrantëve, e kundërta ndodh me Trudeau. Ky i fundit është bërë i famshëm për “dyert e hapura” ndaj emigrantëve, madje duke u përkudesur personalisht për ta. Ditë më parë, si për t’u dhënë një alternativë të gjithë të pezmatuarve nga radhët e emigrantëve prej “derës së mbyllur” nga Trump, Trudeau iu drejtua atyre me një mesazh duke iu thënë se ishin të mirëseardhur në vendin e tij, Kanada. /tesheshi.com/
