Kryeministri shqiptar Edi Rama është takuar në selinë e NATO-s me presidentin amerikan, Donald Trump.
Takimin e bëri të ditur një zyrtar i qeverisë i cili i ka konfirmuar televizionit Top Channel të parin shtrëngim duarsh mes kryeministrit shqiptar dhe presidentin amerikan..
Takimi do të ishte një gjë normale në margjinat e samitit të krerëve të NATO-s. Por ai bën lajm pasi ka prej një viti që opozita dhe LSI kanë deklaruar se Trump do ta ndëshkojë Edi Ramën pas konsideratave të tij jo pozitive gjatë fushatës presidenciale në SHBA.
Takimin e konfirmon edhe një kongresmen nga Florida, i cili i ka dërguar një letër Edi Ramës. Kongresmeni republican Matt Gaetz, i cili ishte në vizitë para një muaji në Tiranë, me anë të një letre ka konfirmuar takimin e zhvilluar sot ndërmjet Trump-it dhe Ramës.
Ai thotë se është i lumtur për këtë takimin dhe se e përgëzon kryeministrin për reformat.
Mësohet se biseda Trump-Rama është përqëndruar në aleancën strategjike mes Shqipërisë dhe Shteteve të Bashkuara, reformës në drejtësi dhe luftës së përbashkët kundër të ashtëquajturot ekstremizëm të dhunshëm. /tesheshi.com/
