Shtetet e Bashkuara do të lënë “tokën e gjakosur” të Lindjes së Mesme, premtoi Presidenti Donald Trump, duke thënë se SHBA nuk ka më nevojë të jetë polici i botës.
Trump mbajti një fjalim veçantë nga Shtëpia e Bardhë dhe deklaroi një ndryshim të kursit në marrëdhëniet e SHBA me Lindjen e Mesme, ku tha se shumë anëtarë të shërbimit ushtarak amerikan kishin vdekur.
“Ne jemi duke dalë jashtë. Le të luftojë kush të dojë mbi këtë tokë të njomur me gjak. Puna e ushtrisë sonë nuk është të jetë polic i botës,” tha presidenti amerikan.
“Kombet e tjera duhet të vetëdijesohen dhe të marrin në duar çështjet që ju takojnë” tha Trump për konfliktin në rajon. “Unë jam i përkushtuar të ndjek një tjetër drejtim, atë që çon në fitore për Amerikën”, premtoi Trump.
Trump ka qenë nën kritika pas tërheqjes së papritur të trupave amerikane nga Siria veriore dhe për braktisjen e forcave kurde, të cilët kishin qenë partnerët më të mëdhenj amerikan. /tesheshi.com/
