Presidenti Trump, i cili rezultoi i infektuar me COVID dhe u transferua në një spital ushtarak, mori ilaçin Remdesivir dhe “pushon i qetë” pas diagnozës, tha mjeku i tij Sean P. Conley.
“Unë jam i lumtur që sonte (e Premte me kohën lokale) mund të them se presidenti po bën përparim të mirë,” tha ai në një deklaratë të lëshuar nga Shtëpia e Bardhë.
“Ai nuk merr oksigjen shtesë, por në konsultim me specialistët, ne zgjodhëm të fillojmë trajtimin me Remdesivir. Ai mori dozën e parë dhe po pushon i qetë.”
Vetë Trump u përgjigj, duke postuar në Tëitter pas shtrimit në spital: “Po shkon mirë, mendoj! Ju dua të gjithëve!”
Gjithnjë e më shumë staf dhe njerëz të afërt me presidentin amerikanpo dalion pozitivë në lidhje me koronavirus.
Kështu është me shefin e tij të fushatës, Bill Stepien.
Kjo u konfirmua nga zëdhënësi i fushatës Tim Murtaugh dhe u raportua për herë të parë nga revista Politico.
Gazeta raportoi se diagnoza e Stepien u konfirmua të premten dhe se ai kishte “simptoma të lehta të ngjashme me gripin”.
Stepien, i cili ishte me Trump në debatin e parë presidencial, planifikon të bëhet në karantinë derisa të shërohet.
Ish-këshilltarja e Trump, Kellyane Conway është gjithashtu pozitive, ashtu si senatori republikan Thom Tillis. /tesheshi.com/
