Imagjinoni sikur të jeni përballë papa Francekut dhe ai t’ju thojë se kapitalizmi mund të jetë helmues. Si do të përgjigjej manjati Trump kësaj deklarate? Pyetja e Chris Cuomo-s në intervistën e gjatë të Donald Trump dhënë për CNN, nuk e ka kapur në befasi miliarderin amerikan që kandidon për të marrë nominimin e republikanëve në garën e Shtëpisë së Bardhë.
“Do t’i thosha se Shteti Islamik do që t’ju kapë”, tha Trump, në lidhje me skenarin hipotetik. “Ju e dini se Shteti Islamik kërkon të pushtojë Vatikanin. E keni dëgjuar këtë, është një ëndërr e tyre të shkojnë në Itali”.
Gazetari i CNN i kapur në befasi e pyet se ai do ta trembte papën, i cili muajin e ardhshëm vjen për vizitën e tij të parë në Shtetet e Bashkuara.
“Më duhet ta tremb pasi është e vetmja gjë”, tha Trump. “Papa, shpresoj se mund t’i trembet vetëm Zotit, por e vërteta është se nëse sheh atë që po ndodh, duhet të shpresojnë që kapitalizmi të funksionojë, është e vetmja gjë që kemi aktualisht. Dhe është shkëlqyeshëm kur arrin të funksionojë”.
Sipas Trump, kapitalizmi nuk po funksionon tamam në Shtetet e Bashkuara tani, për shkak të industrisë së mbingarkuar me rregulla.
Edhe pse është një protestant, si tha, Trump shprehet se përgjithësisht e pëlqen Papën, që ka qenë mjaft kritik për një numër problemesh sensitive politike, ku përfshihen varfëria, ndryshimet klimaterike dhe ato të homoseksualitetit.
“Kam shumë respekt për Papën”, tha ai. Ai po bëhet shumë politik, nuk ka dyshim, por më pëlqen, duket një person i mirë”.
Sipas kandidatit që kryeson sondazhet e republikanëve për të marrë nominimin për garën e vitit të ardhshëm për president, tha se nuk beson se Papa e kundërshton vërtet kapitalizmin. /tesheshi.com/
