Nëse një proteste në Amerikë, shoqërohet me djegien e flamurit Amerikan, presidenti i porsazgjedhur i SHBA-ve, Donald Trump ka dëshmuar se do të tregohet i pamëshirshëm, sa i takon masave ndëshkuese për personat që kryejnë akte të tilla.
Ndonëse, Gjykata e Lartë e vendit e ka shpallur si një formë e shprehjes së lirë që mbrohet me ligj, sërish Trump e tejkalon dhe thotë se sanksionet do të jenë vërtetë të ashpra për shkelësit.
Ai ka deklaruar në një postim në rrjetin social Twitter se: “Askush, nuk duhet të lejohet të djegë flamurin amerikan. Nëse dikush e bën, duhet të ketë pasoja, ndoshta humbja e shtetësisë apo një vit burg”.
Në dekadat e fundit, ligjvënësit amerikanë janë përpjekur disa herë të ndalojnë djegien apo përdhosjen e flamurit. Por në vitin 1989 Gjykata e Lartë shpalli se ligjet që ndalojnë djegien e flamurit si formë proteste janë jokushtetuese./tesheshi.com/
