Në një fjalim të paralajmëruar drejtuar kombit, Presidenti Trump i ka bërë dhe njëherë thirrje Kongresit që të miratojë shumë e mbi 5 miliard dollarëve për ndërtimin e murit në kufirin me Meksikën, por nuk u shpall gjendjen e jashtëzakonshme, e cila do t’i mundësonte atij që të miratojë në mënyrë të njëanshme financimin.
Për të siguruar mbështetje nga demokratët dhe publiku për premtimin e tij të fushatës, për të cilën qeveria federale ëhstë pjesërisht e bllokuar për 18 ditë, Trump, në një fjalim ga Zyra Ovale e Shtëpisë së Bardhë theksoi se në kufirin jugor amerikan ka “një krizë humanitare të zemrës dhe shpirtit”. Ai tha se aty janë ndaluar dhe arrestuar kriminelët që kryen mijëra të krimev të dhunshme, dhe se “mijëra jetë do të humbasin nëse nuk veprojmë.”
Ai shtoi se realiteti tragjik i emigracionit të paligjshëm në kufirin jugor përfaqëson rrjedhjen e pakontrolluar të trafikimit të qenieve njerëzore dhe drogës. “Është një cikël vuajtjesh njerëzore që administrata ime është e vendosur të ndërpresë”, tha Trump.
Nga ana tjetër, liderët e demokratëve thanë se Trump trillon krizën në kufi, me qëllim për të arritur “fiksimin” e tij. Kreu i Dhomës së Përfaqësuesve, Nancy Pelosi tha se Trump po mban peng qeverisë për shkak të “fiksimit” të tij se amerikanët duhet të financojnë, siç tha ajo, ” shtrenjt dhe pa dobi”, një mur kufitar.
Trump do të vizitojë të enjten kufirin me Meksikën dhe deri më tani nuk është e qartë nëse do të shpallë gjendjen e jashtëzakonshme. /tesheshi.com/
