Presidenti amerikan Donald Trump të dielën hodhi poshtë kritikat se përgjigja e tij ndaj kërcënimit koronar ishte zvarritur, duke i cilësuar pretendime të tilla “lajme të rreme” nga demokratët dhe media.
Trump postoi në Twitter: “Nëse partia e opozitës dhe e lajmeve të rreme po bën presion të fortë për të pretenduar se Presidenti Trump ‘injoroi paralajmërimet e hershme të kërcënimit’, atëherë pse demokratët dhe mediat më kritikuan me keqdije kur unë vendosa një ndalim udhëtimi për Kinën? Ata thanë ‘herët dhe e panevojshme’. Media, e korruptuar!”, ka shkruar Trump.
Raportet e mediave amerikane gjithnjë e më shumë kanë ngritur shqetësime se Shtëpia e Bardhë po i përgjigjej pakujdesshëm shenjave të para që po afrohej një pandemi, duke zvogëluar rrezikun për SHBA në atë kohë dhe duke mos paralajmëruar për nevojën e sigurimit të furnizimeve të nevojshme mjekësore.
Raportet e Washington Post dhe New York Times shprehen se këshilltarët e lartë të presidentit amerikan paralajmëruan në fund të janarit se një pandemi mund të vriste qindra mijëra jetë amerikane.
Trump së pari minimizoi ashpërsinë e kërcënimit koronar, publikisht deri në fillim të marsit, duke thënë se virusi nuk ishte një shkak për shqetësim për Shtetet e Bashkuara.
Në ato muaj të hershëm, Trump thjesht duartrokiste përpjekjet e Kinës për të ndaluar përhapjen e virusit.
Javën e kaluar ai fajësoi Organizatën Botërore të Shëndetit dhe kërcënoi të shkurtojë fondet e saj.
“OBSH u hutua”, shkroi ai në Tëitter, duke paralajmëruar se Shtetet e Bashkuara janë financuesi kryesor i organizatës. /tesheshi.com/
