Pas tërheqjes së Ted Cruz-it me humbjen në votimet paraprake në Indiana, ka ardhur një tjetër largim nga gara.
Guvernatori i Ohajos, ai që deklaronte pak orë më parë se ishte shpresa e vetme e Amerikës kundër Trump-it dhe Clinton-it, ka ndërprerë fushatën e tij.
John Kasich nuk arriti asnjëherë të kishte një mbështetje të gjerë në iniciativën për të qenë ai kandidat i republikanëve në zgjedhjet presidenciale amerikane.
E vetmja fitore e John Kasich-it qe në Ohajo, ku ai dhe qeveris, kurse numri i delegatëve në mbështetje të tij mbeti gjithmonë modest. Guvernatori i ka anuluar aktivitetet në Uashington, dhe pritet të ketë një konferencë shtypi.
Me tërheqjen e tij, Donald Trump nuk ka më konkurrentë mes republikanëve, me rrugën të hapur për të siguruar numrin e nevojshëm të delegatëve për një kandidim të drejtpërdrejtë. /tesheshi.com/
