Presidenti amerikan Donald Trump është ulur në Kinë pasi ka lënë pas Korenë e Jugut, gjatë turit të tij aziatik.
Në Seul, në fjalimin që mbajti në parlament, Trump e renditi Kinën si ndër vendet që mund të ndikojë tek qeveria komuniste e Phenianit për t’i vënë fre kërcënimeve bërthamore.
Dhe kjo pritet të jetë dhe temë dominante e bisedimeve të Trump me autoritetet e Pekinit.
BBC veçon një detaj në ceremoninë e pritjes së Trump, atë të një qilimi të kuq, një bandë ushtarake dhe fëmijë që mbanin flamuj e përshëndesnin z. Trump dhe gruan e tij Melani, në mbërritjen në Pekin. Dhe kjo nuk ka ndodhur me Barak Obamën. /tesheshi.com/
