Donald Trump e ka pritur mjaft ngrohtë homologun e tij francez Emanuel Macron, i cili ka nisur një vizitë zyrtare në SHBA.
Pas një ndalese në Shtëpinë e Bardhë, dyshja e presidentëve, së bashku me gratë e tyre Melanie dhe Brigite, hipën në një helikopter dhe u nisën në malin Vernon.
Sipas AP, ata kanë zhvilluar një takim në shtëpinë e parë të presidentit të parë amerikan, George Ëashington.
Ky takim kishte një mesazh të posaçëm për publikun.
Darka private në shtëpinë e presidentit të parë amerikan dhe njëherësh komandant i Luftës Revolucionare, aleanca e të cilit me Francën luajti një rol kyç në mposhtjen britanike, është demonstrim i qartë për rolin që Uashingtoni i ka dhënë Parisit duke ridimensionuar marrëdhëniet me Francën.
Në fakt këtë e ka treguar Trump që me instalimin e tij në Shtëpinë e Bardhë, duke pasur intelekutor të parë në Europë kreun e Elysee-së, edhe pse ai është politikisht i ndryshëm nga Trump.
Axhenda e bisedimeve përfshin sigurinë, tregtinë dhe marrëveshjen bërthamore me Iranin.
Macron pritet të zgjidhë divergjencën mes SHBA dhe BE mbi marrëveshjen bërthamore me Iranin, situatën në Siri dhe tregtinë.
“Kjo vizitë është shumë e rëndësishme në kontekstin tonë të tanishëm, kur kaq shumë pasiguri, probleme dhe nganjëherë kërcënime”, tha Macron pas mbërritjes në Uashington, ku do të qëndrojnë në një vizitë tre-ditore.
Reuters thekson se Macron ndodhet në një lloj misioni për të shpëtuar marrëveshjen bërthamore me Iranin.
Ai tha se nëse Trump e anulon, do të ishte një “gabim i tmerrshëm”.
Në mënynë e darkës e cila është përzgjedhur nga Melania Trump, është vendosur mishi i qengjit në bidon me oriz, sipas recetës së Karolinës, i cili është në formë të pastërmaje norvegjeze.
Për ëmbëlsirë ka pasur tortë me nektarinë dhe akullore.
Të mërkurën Makron do të jetë prezent në një sesion të përbashkët të Kongresit Amerikan, pikërisht në ditën kur 58 vjet më parë, kreu francez i shtetit, gjenerali Charles de Gaulle iu drejtua Kongresit amerikan.
Agjencia britanike thotë se miqësia që konsiderohej “e pamundur” ndërmjet Macron dhe Trump nisi vitin e shkuar në Bruksel, ku u inagurua selia e re e NATO-s.
Macron synon të bindë Trump për të hequr tarifat e çelikut për prodhimet europiane.
Pritet që të dy liderët të flasin për Sirinë pas aksioneve të përbashkët kundër instalimeve të ushtrisë së Assad.
Macron solli një fidan lisi nga Franca që e mbollën publikisht në kopshtin e Shtëpisë së Bardhë, si një simbol i miqësisë afatgjatë mes dy vendeve. /tesheshi.com/
