Presidenti amerikan Donald Trump ka lançuar mbajtjen e Kampionatit Botëror të Futbollit në vitin 2026 në Amerikën e Veriut dhe ka kërcënuar vendet që mund të kundërshtojnë këtë kandidaturë.
Deri tani Maroku është i vetmi rival ofertës së përbashkët ndërmjet SHBA-së, Kanadasë dhe Meksikës.
Vendimi i merret në Kongresin FIFA-s më 13 qershor në Moskë.
“SHBA ka bërë një kandidaturë të fortë me Kanadanë dhe Meksikën për Kampionatin Botëror 2026. Do të ishte një turp për vendet që gjithmonë ne i kemi mbështur nëse na kundërshtojnë. Pse duhet të mbështesim këto vende, kur ata nuk na mbështesin (duke përfshirë mbështetjen e OKB-së)?”, shkroi Trump në Twitter.
Homologu i tij meksikan, Enrique Peña Nieto e përkrahu menjëherë postimin e Trump.
“Ne kemi dallime, por futbolli na bashkon. Së bashku ne mbështesim kandidaturën e Meksikës, Kanadasë dhe SHBA për Kupën e Botës 2026”, shkroi ai në Twitter.
FIFA nuk iu përgjigj kërkesës së Reuters për komente dhe një zëdhënës i kandidaturës së Amerikës së Veriut me tre shtete tha se ata ishin të lumtur që kishin mbështetjen e Trump.
“Që nga fillimi kemi marrë mbështetje të fuqishme nga qeveritë e Kanadasë, Meksikës dhe SHBA. Ne jemi mirënjohës për këtë mbështetje dhe tre vendet tona së bashku do të jetë gati për të mirëpritur lojtarët dhe tifozët nga e gjithë bota në një Kupën e jashtëzakonshme e Botës në 2026”, deklaroi FIFA.
Kandidatura e Amerikës së Veriut vlerësohet e mirë pasi ka stadiume të mëdha dhe infrastrukturë të shkëlqyer, por nuk është e sigurt nëse do të miratohet.
Maroku pritet të ketë mbështetje të madhe nga anëtarët e Afrikës dhe Lindjes së Mesme të FIFA-s.
Gjithashtu, është njoftuar kohët e fundit se Afrika e Veriut do të mbështetet nga Franca dhe Rusia. /tesheshi.com/
