SHBA nuk do të luajë asnjë rol në operacionin turk kundër forcave kurde në veri-lindje të Sirisë, ka thënë Shtëpia e Bardhë.
Turqia, e cila dëshiron të pastrojë territorin nga militantët kurdë të cilët i konsideron si terroristë, po tenton të marrë përgjegjësinë për të gjithë të burgosurit e grupit ISIS në këtë zonë, thuhet në deklaratën e SHBA-ve.
Luftëtarët kurdë të YPG deri më tani kanë marrë një mbështetje të fortë nga SHBA-ja, e cila ka qindra trupa në Siri.
Në janar, Presidenti Trump kërcënoi të “shkatërrojë ekonomikisht Turqinë” nëse sulmon forcat kurde.
Pse ka rëndësi beteja për veriun e Sirisë?
Qeveria e Ankarasë i sheh luftëtarët si aleatë të separatistëve kurdë brenda Turqisë. Në të vërtetë, me gjithë ndryshimet në politikën turke përballë konfliktit në Siri, kundërshtimi ndaj autonomisë kurde ka qenë konstant dhe absolut.
Turqia në fakt nuk do ta tolerojnë atë që e sheh si kërcënim në kufirin jugor të vendit. Dhe ata janë të gatshëm të përdorin forcë për ta eliminuar atë. /tesheshi.com/
