“Bota do të shohë një ndryshim të madh dhe ne kemi vendosur të largohemi nga e kaluara”, ka qenë kjo deklarata e liderit koreanoverior, Kim Jong-un pas nënshkrimit të një deklarate të përbashkët me presidentin Trump. Detajet e saj ende nuk janë zbardhur dhe pritet që të dalin më vonë gjatë ditës.
Deklarata u nënshkrua pas bisedës mes tyre shoqëruar dhe nga delegacionet përkatëse.
Trump konfirmoi nga ana e tij se ai do ta ftojë komunistin Kim në Shtëpinë e Bardhë dhe se procesi i denuklearizimit të Gadishullit Korean do të fillojë shumë shpejt.
Një zyrtar amerikan i afërt me bisedimet, shpjegoi se ishte një “marrëveshje që konfirmon përparimin në bisedime dhe një premtim për të vazhduar me të njëjtin ritëm”. /tesheshi.com/
