Presidenti amerikan Donald Trump tha se SHBA ka identifikuar 52 objektiva iranianë për të goditur nëse Irani sulmon ndonjë objektiv amerikan ose shtetas amerikanë, si përgjigje ndaj vrasjes së komandantit iranian Qaseem Soleimani.
Duke mos treguar shenja se dëshiron të qetësojë përshkallëzimin e tensioneve të shkaktuara nga ezkekutimi i bujshëm i gjeneralit, një nga njerëzit më me ndikim në Iran, Trump tregoi nerv lufte me postimin e tij në Twitter, kur tha se “Teherani flet me guxim për të sulmuar objektiva amerikane”, porse Uashingtoni ka identifikuar “52 objektiva iraniane”, gati për t’i goditur, disa prej të cilave janë shumë të rëndësishme për Iranin dhe kulturën e tij.
Këto objektiva do të “goditen shumë shpejt dhe shumë ashpër”, shkroi presidenti amerikan, duke shtuar se “SHBA nuk durojnë shumë kërcënimet” tha ai, e se 52 objektivat përfaqësojnë 52 pengje amerikane të 79-ës në Teheran. /tesheshi.com/
