Kanadaja nuk pranon të tërhiqet nga presioni saudit me masat e marra ndaj këtij vendi.
Kryeministri kanadez Justine Trudeau tha se do të vazhdojë të kritikojë Arabinë Saudite për abuzimet me të drejtat e njeriut.
Kriza mes dy vendeve shpërtheu kur diplomatë kanadezë kërkuan lirimin e disa aktivistëve civilë në Arabinë Saudite, gjë që u përkthye nga Riadi si “ndërhyrje në punët e brendshme”.
Ndërkohë, një ditë më parë, Rusia u rendit krah Saudisë në këtë përplasje, ndërsa SHBA zgjodhi të mbajë qëndrim neutral.
Arabia Saudite ka marrë gjithashtu disa masa tregtare kundër Kanadasë, duke përfshirë edhe një vendim për të mos blerë grurë dhe elb nga ky vend i Amerikës së Veriut.
Por nga ana tjetër, ministri i Energjisë, Khalid al-Falih, tha se kriza nuk do të ndikojë në furnizimin me naftë të konsumatorëve kanadezë.
Ai tha në një deklaratë tha se eksportuesi më i madh i naftës në botë, kompania Saudi Aramco, nuk ndikohet nga konsideratat politike. /tesheshi.com/
