Një rast tronditës, sipas mediave të shumta kroate, ndodhi një ditë më parë në një prej universiteteve në Kroaci, ku një studente gjatë ligjëratave po konsumonte kokainë.
Rasti u zbulua pasi rrjetet sociale publikuan një video në të cilën shihet studentja e cila konsumon pluhur, duke u fshehur pas çantës së saj, shkruan e përditshmja Jutarnji List.
“Sipas treguesve të deritanishëm, ka mundësi të lartë që bëhet fjalë për një studente e cila studion në fakultetin tonë,” konfirmoi Dekani i Universitetit të Zagrebit, Branko Stefanoviç.
Nga ky universitet nuk konfirmojnë në mënyrë të qartë nëse bëhet fjalë për një student të tyre, as nuk paragjykojnë masa disiplinore, por në një deklaratë thuhet se janë nisur procedura ligjore dhe procedura të tjera kundër veprimeve të tilla.
Sipas dekanit Stefanoviç, në dokumentet e tyre të brendshme është parashikuar edhe masa për humbjen e të drejtës për vijimin e studimeve.
“Dokumentet e brendshme rregullojnë sjellje të këtilla dhe të ngjashme, të paautorizuara dhe të papranueshme. Për shembull, Kodi Etik thekson se ‘sjellja e papranueshme’ përfshin ardhjen në klasë ose vendin e punës nën ndikimin e alkoolit ose drogës, si dhe futjen e alkoolit ose drogës në ambientet e Fakultetit” citon Stefanoviç.
Ai mohon kategorikisht informacionin që administrata e Universitetit ka marrë një vendim për të testuar të gjithë nxënësit për substanca të paligjshme. /tesheshi.com/
