Gjykata e Hagës e ka cilësuar të pafajshëm kreun e paramilitarëve serbë që kanë kryer krime monstruoze në Kroaci, Bosnjë dhe Kosovë, Vojisllav Sheshelin.
Kreu i Partisë Radikale Serbe u akuzua për krime ndaj njerëzimit dhe shkelje të ligjeve të luftës.
Kreu i trupit gjykues, Jean Claude Antonetti, tha se prokuroria ka dështuar të gjejë argumentet ligjore për ta fajësuar Sheshelin se ka kryer krime kundër njerëzimit.
E njëjta gjykatë deklaroi se prokuroria nuk ka arritur të gjejë prova për këto krime.
Prokuroria kërkoi 28 vite burg për Sheshelin dhe e paraburgosi, por ai u lirua për shkaqe shëndetësore.
Akuza paraqiti nëntë shkelje të rënda të ligjit të luftës, për deportim, vrasje, torturë, shkatërrim dhe prishje të institucioneve fetare.
Krimet u planifikuan, u urdhëruan, u zbatuan dhe u kryen nga Shesheli dhe njësia e tij e paramilitarëve.
Sipas akuzës, ai ka zbatuar një politikë hegjemoniste për t’i pushtuar të gjitha tokat ku jetojnë serbët, të cilave ai u referohet si Serbia e Madhe. /tesheshi.com/
