Ministri izraelit i ekstremit të djathtë Itamar Ben-Gvir tha se ligjvënësit e lartë republikanë të SHBA-së mbështesin bombardimin e “magazinave të ushqimit dhe ndihmave” në Gaza.
Deklarata e postuar në mediat sociale erdhi pasi ministri i sigurisë kombëtare i Izraelit tha se ishte takuar me “zyrtarë të lartë të Partisë Republikane në pronën e Trump-it në Mar-a-Lago” në Florida.
“Ata shprehën mbështetjen për pozicionin tim shumë të qartë se si të veprojmë në Gaza dhe se depot e ushqimit dhe ndihmave duhet të bombardohen në mënyrë që të krijohet presion ushtarak dhe politik që pengjet tanë të kthehen të sigurt në shtëpi,” njoftoi Ben-Gvir në X në hebraisht.
Postimi i Ben-Gvir nuk specifikoi se cilët republikanë ishin të pranishëm. Megjithatë, zyra e Ben-Gvir tha për mediat izraelite se në mesin e ligjvënësve të pranishëm ishte kongresmeni republikan Tom Emmer, i cili konsiderohet anëtari i rangut të tretë të Dhomës së Përfaqësuesve të SHBA.
Times of Israel dhe Jewish News Syndicate janë ndër mediat që cituan zyrën e Ben-Gvir në raportimin për praninë e Emmer, gjë që duket se konfirmohet edhe nga pamjet video të takimit.
Sulmet izraelite dhe bllokada e ndihmave
Kongresmeni Emer është një nga më të zëshmit në Kongresin Amerikan në mbështetjen e Izraelit për luftën në Gaza dhe ka thënë rregullisht se Hamasi, jo Izraeli, është fajtor për numrin e madh të viktimave civile në enklavën palestineze.
Zëdhënësi i Emmer nuk iu përgjigj kërkesës së Al Jazeera-s për koment në lidhje me vizitën në Mar-a-Lago dhe nëse kongresmeni mbështeti komentet e Ben-Gvir për sulmet në vendet e ushqimit dhe ndihmave.
Ministria e Shëndetësisë në Gaza pretendon se të paktën 51,300 palestinezë janë vrarë që nga fillimi i luftës pas sulmeve të Hamasit në Izraelin jugor më 7 tetor, gjatë të cilave u vranë të paktën 1,139 njerëz.
Ben-Gvir, banor i një vendbanimi të paligjshëm izraelit në Bregun Perëndimor të pushtuar ka bërë thirrje për zhvendosjen e Gazës dhe ka mbështetur me entuziazëm planin e Trump për të zhvendosur me forcë banorët e enklavës palestineze.
Në janar, ai dha dorëheqjen nga qeveria e kryeministrit izraelit Benjamin Netanyahu, duke kundërshtuar një marrëveshje të përkohshme armëpushimi.
Përpara se t’i bashkohej qeverisë në mars, ai i bëri thirrje Izraelit të ndërpresë furnizimet me energji elektrike dhe ujë dhe depot e ndihmave me bomba në Gaza, kur një armëpushim gjashtë-javor i erdhi fundi.
Sulmet izraelite rifilluan më 18 mars dhe që atëherë janë vrarë 1928 palestinezë.
Megjithëse Trump ka premtuar t’i japë fund luftës pas marrjes së detyrës, nuk ka një marrëveshje të përhershme armëpushimi.
Ndërkohë, Franca, Gjermania dhe Mbretëria e Bashkuar dënuan të mërkurën bllokadën e Izraelit për ndihmat, ushqimet dhe ilaçet që hyjnë në Gaza.
Ata i quajtën veprimet e Izraelit “të papranueshme”. /tesheshi.com/
