Është prezantuar fanela të cilën do ta mbajnë kuqezinjtë në Kampiontin Europian “Francë 2016”. Kompania e njohur italiane Macron, ka përgatitur një dizajn shumë interesant, me detaje dhe mesazhe motivuese për futbollistët. Kjo fanelë është titulluar me emrin Triumf.
Fanela do përmbajë motive kombëtare, me shqiponjën dykrenare që është e vendosur në pjesën e përparme të uniformës, për të vazhduar me logon autentike. Në pjesën e brendshme të jakës ndodhet e shkruar fraza e Naim Frashërit: “Ti Shqipëri më jep nder!”.
Në pjesën e jashtme shkruhet “Shqipëria” në gjuhë ndërkombëtare, ndërsa poshtë është vendosur një tjetër simbol i shqiponjës. Bashkëpunimi deri në vitin 2021 me Macron, një projekt me vlerë mbi 6 milionë Euro, cilësohet mjaft fitimprurës për Federatën Shqiptare të Futbollit. /tesheshi.com/
