Dita e fundit e merkatos botërore, ka sjellë edhe goditje të frymës së fundit për disa klube. Një valzer sulmuesish, ka përfshirë 3 klube njëherësh, pasi veprimet janë bërë të kombinuara, madje edhe duke ndërmjetësuar mes njëri-tjetrit.
Kështu, Arsenal ka bërë blerjen e sezonit, duke marrë gabonezin Pierre-Emerick Aubameyang nga Borusia e Dordmundit. Sipas klubit britanik, sulmuesi i blerë për shumën e 56 mlion paundëve (63.7 milion euro), ka zhvilluar vizitat mjekësore në Londër dhe i është bashkuar skuadrës. Nga ana e saj, Dordmundi e ka zëvendësuar lojtarin e saj, me Michy Batshuayi, sulmuesin që luan tek Chelsea.
E për të mbyllur trekëndëshin e bashkëpunimit, Chelsea i mbetur vetëm me një sulmues, ka marrë nga Arsenali, Olivier Giroud, sulmuesin francez që nuk ka gjetur shumë hapësira me trajnerin Wenger.
Në këtë mënyrë, pas kësaj triplo-marrëveshjeje, të gjithë kanë dalë të lumtur, pasi kanë plotësuar edhe “tekat” e merkatos, edhe arkat respektive të klubeve. /tesheshi.com/
