Mali i Zi renditet i pari në Evropë për nga numri i të infektuarve për 100,000 banorë.
Të dhënat nga qendrat statistikore evropiane nga fundi i shtatorit tregojnë se Mali i Zi, me një normë prej 1,699 të infektuar për 100,000 banorë, ka shkallën më të lartë të COVID-it në Evropë, shkruan Vijesti me bazë në Podgoricë.
Fqinjin verior të Shqipërisë e ndjek Armenia ndjek, ndërsa Spanja renditet e treta midis 45 vendeve evropiane.
Epidemiologu në pension, Profesor Novica Vujosevic, vlerësoi se Mali i Zi doli më keq se vendet e tjera dhe se nuk ka ndonjë justifikim të madh për këtë.
“Duke pasur parasysh shkallën e organizimit shoqëror, cilësinë e shërbimit mjekësor dhe strukturën e personelit, nuk ka justifikim për një numër kaq të madh të njerëzve të të infektuarve,” tha ai, duke shtuar se vlerësoi se kishte të paktën tre herë më shumë të infektuar se numri i regjistruar.
Ai shpjegoi se afërsisht 80 për qind e të infektuarve me virusin nuk kanë një pamje të rëndë klinike, se disa nuk telefonuan mjekun dhe ka nga ata pa simptoma që nuk e dinë që janë të infektuar por që transmetojnë virusin.
Kujtojmë se Mali i Zi përbën një precedent unik në krizën COVID. Pas muajve të karantinës në pranverë, ky vend shpalli fitoren pas dy javësh pa infektime, duke u bërë i pari vend europian që shuante totalisht përhapjen e virusit. Por më pas ndodhi kthesa. Javë pas jave erdhi disfata dhe sot Mali i Zi është “njolla e zezë” e Europës. /tesheshi.com/
