Izraeli ka hedhur më shumë se 12,000 tonë eksploziv në Rripin e Gazës që nga 7 tetori, tha të martën zyra e mediave e enklavës palestineze.
“Fuqia shpërthyese e këtyre eksplozivëve është e barabartë me bombën bërthamore të hedhur në Hiroshima, Japoni në vitin 1945,” tha Zyra e Shtypit e Gazës.
Aty thuhej se “mesatarisht 33 ton eksploziv janë hedhur për kilometër katror në enklavën palestineze që kur Izraeli filloi agresionin e tij”.
Rripi i Gazës, shtëpia e 2.3 milionë banorëve, ka një sipërfaqe totale prej 365 kilometra katrorë.
Izraeli ka bombarduar Gazën që nga një sulm i befasishëm nga Hamasi më 7 tetor dhe ka vendosur të
gjithë enklavën nën bllokadë, duke lënë 2.3 milionë banorët e saj me pak ushqim, ujë, karburant dhe furnizime mjekësore.
Ushtria izraelite vazhdoi sulmet ajrore intensive në Gaza, duke shkatërruar lagje të tëra.
Në sulmet izraelite në Gaza, janë vrarë 5791 palestinezë ku në mesin e viktimave janë 2360 fëmijë, 1292 gra dhe 295 të moshuar. /tesheshi.com/
