Argjentina, Kili, Paraguai dhe Uruguai kanë dorëzuar zyrtarisht një ofertë të përbashkët për të pritur Kupën e Botës 2030, duke bërë thirrje që turneu të kthehet “aty ku lindi Botërori”, 100 vjet pasi Kupa e parë e Botës u mbajt në Montevideo, kryeqytet i Paraguajit
Gjatë një ceremonie në Federatën Argjentinase të Futbollit (AFA), zyrtarëve nga të katër vendet iu bashkua Alejandro Dominguez, president i Konfederatës së Futbollit të Amerikës së Jugut (CONMEBOL), i cili tha se shpresonte që FIFA të mund të tregonte një “gjest respekti” për rajonin në vendimmarrjen e saj.
“Kupa e Botës 2030 nuk është thjesht një tjetër Botëror, ajo meriton të festohet, me njohje për 100 vjet”, tha Dominguez.
“Ne jemi të bindur se FIFA ka detyrimin të respektojë kujtimin e atyre që erdhën para duke krijuar Kupën e parë të Botës”, shtoi ai.
“Si kampionë të botës, ne po lançojmë këtë projekt, i cili është ëndrra e të gjithë amerikano-jugorëve, jo vetëm në 100-vjetorin e edicionit të parë, por edhe për pasionin me të cilin jetojmë futbollin”, shtoi ai.
Presidenti argjentinas Alberto Fernandez shkroi në Tëitter se Bolivisë do t’i kërkohet gjithashtu të bashkohet me projektin.
Pas edicionit të parë në Uruguaj, Argjentina priti Kupën e Botës në 1978 dhe Kili në 1962, ndërsa Paraguaj nuk e ka pritur kurrë garën më të madhe të sportit.
Oferta e Amerikës së Jugut do të konkurrojë me Spanjën dhe Portugalinë, të cilat kanë nënshkruar një marrëveshje për një ofertë të përbashkët, ndërkohë që dhe Maroku e Arabia Saudite kanë treguar interes. /tesheshi.com/
