Në një valë protestash anti-raciste të paprecedent në SHBA, por dukshëm të përshkuara nga një anarkizëm i majtë, kanë rënë dhe statujat e dy prej atyre që konsiderohen baballarë të SHBA, George Washington dhe Thomas Jefferson.
Një monument i ish-Presidentit Washington u rrëzua në Portland, e gjithashtu një statujë e Thomas Jefferson para një shkolle të mesme dhe Universitetit të Oregonit e përjetoi këtë fat më herët. Mediat amerikane raportuan se Washingtoni zotëroi skllevër për 56 vjet, dhe qindra prej tyre punuan në plantacionin e tij Mount Vernon.
Ndërkohë, protestuesit rrëzuan monumentin e vetëm të gjeneralit të Konfederatës në kryeqytetin e SHBA Washington, Albert Pike.
Dhjetra protestues rrëzuan statujën me litarë, duke brohoritur “Jeta e zezë ka rëndësi”
Presidenti Trump reagoi duke e quajtur incidentin so një “turp për vendin” dhe bëri thirrje që autorët të arrestohen. Policia në Uashington është akuzuar nga Trump se “nuk ka bërë punën e saj”.
Monumenti u rrënua në fund të 155-ës Ditë të Lirisë, të njohur si “Juneteenth” (që është një kombinim i fjalëve qershor 19 në anglisht), ku në Shtetet e Bashkuara shënohet si dita e heqjes së skllavërisë në kujtesë e vitit 1865, kur e fundit skllevërit e zinj u liruan në Teksas.
Më 19 qershor të këtij viti, një gjeneral i Unionit mbërriti në Galveston, Teksas, dhe u tha skllevërve se ata ishin të lirë, dy muaj pas përfundimit të Luftës Civile dhe dy vjet e gjysmë pasi Presidenti Abraham Lincoln lëshoi Proklamatën në emancipim.
Monumente të shumtë janë ngritur për nder të njerëzve që luftuan për shkëputjen e shteteve të jugut (të bashkuar në Konfederatën e SHBA) në Luftën Civile Amerikane (1861-1865), por që janë shembur javët e fundit në SHBA në një valë protestash,të cilat shpërthyen për vdekjen e afrikano-amerikanit George Floyd, i cili u mbyt nga një oficer policie i bardhë në Minneapolis në fund të majit.
Në më të fundit rast, pronarët e klubit të bejzbollit të Minsk Twins nga Minneapolis hoqën statujën e ish-pronarit të klubit Calvin Griffith para stadiumit Target Field, e kjo për shkak të komenteve raciste që ai bëri dekada më parë.
Griffith, i cili vdiq në 1999, tha në një ngjarje në 1978 se ai zgjodhi Minesotan, pasi shteti “kishte vetëm 15,000 afrikano-amerikanë” në krahasim me vende të ndryshme racore si New Orleans.
“Ne kemi ardhur këtu sepse ju keni njerëz të mirë, punëtorë, të bardhë,” tha Griffith, i cili gjithashtu pakësoi një numër lojtarësh me lëkurë të errët, duke përfshirë lojtarin e Hall of Fame, Rod Carew, i cili la klubin në 1979, duke thënë se nuk mund të luante për Griffith.
Më parë, statuja e eksploruesit dhe marinarit italian Kristofor Kolombit, pos që u hoq dhunshëm në disa qytete, u hoq paqësisht dhe nga autoritetet e qytetit të San Francisko. /tesheshi.com/
