Një gazetare dhe kameramani i televizionit lokal WDBJ7 u vranë nga një person ende i paidentifikuar ndërsa transmetonin live në Virxhinia të Shteteve të Bashkuara.
Gjithcka është regjistruar e publiku ka parë qartë gazetaren Alison Parker gjatë një interviste në Moneta’s Bridgewater Plaza, kur nisën të shtënat dhe të ndërpritej transmetimi për shkak se kameramani u qëllua.
Videoja tregon gjithashtu një person të veshur me të zeza i cili shfaqet me një armë në dorë.
Alison Parker, gazetare dhe kameramani Adam Ëard, u qëlluan mëngjesin e kësaj të mërkure, teksa transmetonin live. Policia njoftoi se është vënë në ndjekje të autorit, teksa mbetet ende mister qëllimi i kësaj vrasjeje.
“Policia ndodhet në vendngjarje në Bridgeëater Plaza në Moneta. Incidenti përfshiu dy anëtarë të WDBJ7. Nuk kemi të dhëna të tjera. Policia thotë se janë tre viktima. Nuk dihet ende sa janë lënduar. Të shtënat ndodhën gjatë transmetimit live”, thuhet në një postim të rrjetit televiziv në Facebook. /tesheshi.com/
