Ajo nuk është më krenaria e qytetit, nuk është më simboli i bukurisë shpirtërore të Halepit. Xhamia e Madhe e Halepit është dëshmia më tronditëse e shkatërrimit që ka sjellë konflikti civil në këtë qytet.
Dikur aty shihje besimtarë tek luteshin, sot të zë syri vetëm ushtarët e Beshar Esadit që shkelin ngadhënjimtarë në të.
E ndërtuar në 715-n, dhe e njohur dhe si Xhamia Omejade, ajo është çmuar si një prej kryeveprave të qytetërimit islam. Teksa ndërthur elemente të kulturave të ndryshme, arkitektura e Xhamisë së Madhe të Halepit pasqyron historinë e vjetër dhe të pasur të të tërë asaj hapësire.
Lufta nuk e kurseu Xhaminë Omejade. Minarja e saj tashmë nuk ekziston më. Forcat e regjimit sirian e shkatërruan atë në vitin 2013.
Xhamia e Madhe është pjesë e Qytetit të Lashtë të Halepit, të deklaruar Vend i Trashëgimisë Botërore nga UNESCO në 1986-n. /tesheshi.com/
