Një nga përditshmëritë më të frikshme në Palestinë nga ngjarjet e fundit janë edhe vrasjet dhe burgimet e minorenëve nga ushtria izraelite. Një dëshmi e dhimbshme na vjen nga Mutaz al-Azajzeh, që na tregon se sa shumë e ndjen mungesën e shokut dhe moshatarit të tij që u vra nga forcat izraelite gjatë bombardimeve të ashpra.
“Unë sapo kam mbaruar klasën e 11-të. Në korrik bëhet 1 vit qyshkur u vra shoku im Ala Ebu Dahruxh. Ai u vra gjatë luftimeve, kur ai dhe familja e vet u larguan nga shtëpia për shkak të bombardimeve dhe po shkonin në Spitalin Shuheda al-Aksa aty afër. Granatimet mbërritën edhe tek spitali gjithashtu, dhe Alaja u vra përpara se ai të hynte brenda në ndërtesë. Viti shkollor që kaloi ka qenë me të vërtetë i vështirë për mua. Unë humba një shok që e kisha prej 10 vjetësh. Unë mendoj për atë në klasë gati për ditë. Çdo mëngjes kur kaloj nëpër varreza unë vizitoj varrin e tij dhe recitoj një fatiha për shpirtin e tij. Ne kalonim shumë kohë bashkë duke luajtur futboll, dhe e donim shumë futbollin. Alaja luante shumë bukur futboll. Sa herë që shoh një ndeshje futbolli më kujtohet Ala. Qyshkur u vra Ala unë nuk luaj më futboll.”
Një tjetër problem përveç vrasjeve të minoreneve gjatë bombardimeve dhe kontrolleve të ndryshme ushtarake, janë edhe ndalimet dhe burgosjet e minoreneve palestinezë. Në fund të gushtit 2015-të, 156 minorenë palestinezë mbaheshin në burgjet izraelite, ndërsa 13 palestinezë minorenë të tjerë mbahen në ambientet e Shërbimit të Burgjeve të Izraelit (IPS) të konsideruar ilegalë në Izrael.
IPS i konsideron këta minorenë të burgosur dhe të ndaluar njëkohësisht, si kriminelë ofendues. Të dhënat e mëposhtme janë marrë nga Ushtria Izraelit dhe IPS.
Siç mund të vërehet qartë, të jesh adoleshent në Palestinë është një dramë më vete. Vala e dhunës e shpërthyer së fundmi nga ushtria izraelite nuk i ka kursyer edhe fëmijët e grupmoshave të ndryshme, veçanërisht ata që iu duhet të shkojnë në shkollë për ditë.
Të dhënat janë marrë nga: http://www.btselem.org/
Përgatiti: Roald Hysa – /tesheshi.com/
