Partia e Albin Kurtit, Vetëvendosje që në vazhdimësi kritikon PDK-në e Kadri Veselit për kapjen e shtetit, ka nisur akuza të tilla të bëjë edhe ndaj kreut të Prishtinës, Shpend Ahmeti, të cilin e lavdëruan jo pak sa rrugëtuan së bashku.
VV tashmë po akuzon Ahmetin se ka nisur kapjen e Ndërmarrjes Publike Banesore (NPB), ku përmes drejtorit të Drejtorisë së Pronës në Komunën e Prishtinës, Dren Kukaj, po synojnë ta largojnë drejtuesin e tanishëm të NPB-së, Nexhat Kryeziun.
Leonora Bajraktari dhe Egzon Azemi, asamblistë të VV-së, në një konferencë për media të mbajtur të hënën deklaruan se drejtori Kukaj së bashku me aksionarin tjetër, Qëndrim Sahitin, në mënyrë të jashtëligjshme kanë emëruan anëtarë të bordit të NPB-së.
Por sipas tyre nuk mund të caktohet një bord i ri pa vendimin e shkarkimit të bordit paraprak.
Dy asambleistët më tej deklaruan se kushdo që interesohet që me veprime të paligjshme të marr ndërmarrjen, nuk do ta ketë atë, ndërsa pohuan se është kërkuar deklarim nga kryetari Ahmeti, rreth çështjeve të Ndërmarrje Lokale, por sipas tyre ai vazhdon të heshtë.
Megjithatë ata deklaruan se, çdo projekt pozitiv për qytetin do të përkrahet megjithatë u theksua se në Zgjedhjet në Prishtinë, votuesit i kanë dhënë mbështetje Vetëvendosjes e jo Shpend Ahmetit si individ. /tesheshi.com/
