Janë publikuar së fundi pamjet tronditëse nga momenti i vrasjes së një zyrtari ukrainas pro-rus të kapur nga kamerat.
Militantët ukrainas dyshohet se vendosën eksploziv në automjetin e Askyar Laishev në qytetin Starobelsk të rajonit Luhansk më 11 gusht – kur u regjistruan pamjet. Arsyeja ishte se ata mendonin se ai kishte dezertuar në Rusi.
Askyar Laishev ka punuar më parë në Shërbimin e Sigurisë së Brendshme të Ukrainës (SBU) përpara se t’i bashkohej Republikës Popullore të Luhanskut të mbështetur nga Moska si kreu i inteligjencës në 2014.
Anëtarët e Rezistencës Kombëtare të Ukrainës në Donbasin e shkatërruar nga sulmi në Ukrainën lindore iu përgjigjën veprimeve të tij duke bombarduar makinën në të cilën ai po hipte më 11 gusht.
Siç shkruan Washington Post, Laishev ka dalë i gjallë nga makina pas shpërthimit, por ka ndërruar jetë në spital disa ditë më vonë.
“Ne e përsërisim se tradhtia është e dëmshme për shëndetin tuaj, prandaj çdo tradhtar shpreson më kot se fatkeqësia nuk do ta gjejë atë”, tha Rezistenca Kombëtare e Ukrainës. /tesheshi.com/
