Edhe pse në një formë letrare, nga opozita është artikuluar akuza më e rrallë ndaj qeverisë. Sipas deputetes që vjen nga bota e letrave, Flutura Açka, asaj, qeverisë pra, “i vjen era seks”. Jo për ndonjë aferë erotike në radhët e saj, por për ngjarjen e Librazhdit. Pra, sipas znj. Açka, qeveria ka përgjegjësi dhe për atë që një nuse në Librazhd u kap nga vjehri e vjehra duke tradhëtuar të shoqërin në emigrim.
“Ish-burri e kërcënon se do ta vrasë, vëllai e kërcënon se do ta vrasë, është krim. Ku është shteti? Apo mos u indiminua vallë shteti nga kjo tradhëti e kësaj vajze. E kush, ky shtet që bie fund e krye era seks.
Ky shtet qe paguan sipas të dhënave të gazetarëve, që paguhen 800-1000 vetë, që jane regjistruar në institucione që s’paraqiten në zyra dhe paguhen me taksat e shqiptarëve për sugargirls dhe zanate të tjera prostitutive për t’u ofruar të huajve të shumtë që vijnë dhe ikin nëpër ambasada, qoftë dhe sheikëve lart e poshtë në Shqipëri.
Çfarë prisni ju, denoncimin e vajzës që të merrni masa? Ajo vajzë ka shpëtuar vetëm nga fakti që bastumi nuk ishte automatik se tani do të ishte harruar”, ishte arsyetimi i deputetes Açka. /tesheshi.com/
