Gazetari i njohur i kronikës, Artan Hoxha dha një shpjegim se pse Basha ndodhet në një situatë të vështirë në lidhje me hetimin e belgëve, të cilët e morrën dhe në pyetje në SPAK, lidhur me çështjen “Toyota Yaris”.
Sipas tij, Basha e çoi akuzën drejt një grupi, i cili nuk ka lidhje fare me paratë që po vinin me Toyota dhe përmendi Elbasanin për ta lidhur grupin me Taulant Ballën dhe më pas me qeverinë.
“Ai e çoi akuzën drejt një grupi, i cili nuk ka lidhje fare me paratë që po vinin. Pra ai e çoi diku ku ngjarjet po zhvilloheshin politikisht. E çoi në Elbasan që ta lidhte me Ballën, dhe nëpërmjet Ballës ta lidhte me qeverinë.
Duke pasur parasysh se si funksionon Basha edhe për ngjarjet tjera, gabimi i tij është se nuk ka menduar që kjo çështje mund të përfundonte në hetim të autoriteteve belge.
Basha ka kujtuar se është si këto historitë në Shqipëri që mbyllen këtu”, tha Hoxha në Euronews Albania.
Ai shtoi se fakti që po këmbngulin tek Basha do të thotë “se ka një cështje sensitive që i shqetëson prokurorët”. /tesheshi.com/
