Mendoni se është e mundur një tortë me çokollatë, por pa vezë, pa qumësht dhe pa gjalpë? Duket e vështirë të besohet, por ja që asgjë nuk është e pamundur!
Kjo është receta e tortës pa vezë, pa qumësht e pa gjalpë. Një tortë e ëmbël dhe e lehtë për t’u bërë.
Përbërësit për një tas me madhësi 20-22 cm
250 gr miell tip 00
100 gr sheqer pluhur
150 ml ujë
90 gr vaj luledielli
2 lugë plot me kakao të fortë
80 gr çokollatë të zezë (ose sipas dëshirës, më shumë ose më pak)
1 bustinë maja për ëmbëlsira
Përgatitja
Përzieni përbërësi në një tas; pra miellin, kakaon, majanë dhe sheqerin. Veçmas, përzieni vajin me ujin dhe bashkojini me përbërësit e tjerë. Përziejini me një shpatull silikoni ose me lugë. Më pas shtoni çokollatën dhe përziejini në mënyrë që të marrin formë të njëtrajtshme.
Merrni një tas të rrumbullakët, ose një nga ato mbajtëset e silikonit që përdoren për ëmbëlsira, lyejeni me pak gjalpë dhe hidhini pak miell. Hidheni përzierjen dhe shtrijeni me një lugë për ta niveluar. Vini furrën në temperaturën 180 gradë dhe për rreth 30 minuta verifikoni pjekjen duke përdorur një lugë druri.
Pasi të nxirrni nga furra lëreni të ftohet. /tesheshi.com/
