Jozefina Topalli, ish-numri 2 i PD-së, tashmë me një parti të sajën – Lëvizja për Ndryshim – shpërfilli akuzat nga ish-forca e saj se ajo po i vjen në ndihmë Ramës, duke tentuar të marrë vota nga hambari i së djathtës.
“Unë skam bërë asnjë tentative për t’i hequr kujt asgjë, unë i drejtohem qytetareve.
Lidhja ime është e pazgjidhshme me çdo demokrat dhe kontaktet në fushë i kam me të gjithë. Jeta ime është e lidhur me çdo demokrat dhe se nuk ka asnjë të përbashkët me liderin e Republikë së Re”, tha znj. Topalli në një intervistë për Ai Report.
Ajo vlerësoi mundësinë e një aleanca me “Bindjen” e Patozit, e njëherësh la hapur mundësinë që dhe Mediu mund t’i bashkangjitej nëse donte, pasi nuk po gjen dot gjuhën me Bashën.
“Kemi diskutuar me Patozin kemi qëllime të përbashkëta por ende s’kemi vendosur nëse do dalim në lista të përbashkëta”, tha ajo sa i përket Bindjes, duke vijuar të sulmojë Bashën me metodën e vlerësimit të Berishës.
“Nuk mund të krahasosh raportet që ka pasur Berisha me aleatët dhe ata që ka Basha. Ka qenë një raport i bazuar në vota dhe ndershmëri dhe kjo ka kohë që nuk ekziston në kampin e drejtuar nga Basha. Unë jam indiferente nga kjo situatë dhe e di që janë në gjendje të bëjnë çdo gjë për të mbajtur karriget e tyre”, tha znj. Topalli. /tesheshi.com/
