Ish-deputeti i PS-së, Tom Doshi, është ritkhyer në aleancë me Ramën edhe pse garon nën siglën e PSD-së së Skënder Gjinushit në Shkodër.
Por, Prokuroria e Përgjithshme e drejtuar nga Adriatik Llalla i ka hapur një dosje tjetër duke e akuzuar për “deklarim të rremë të pasurisë”.
Doshi u përjashtua nga grupi i PS-së pasi publikoi një video të një vrasësi me pagesë, i cili pretendonte se Ilir Meta e kishte paguar të vriste Doshin.
Atehërë Meta ishte në koalicion me Ramën dhe Doshi u mënjanua nga PS-ja.
Por ndryshimet e reja dhe përçarja përfundimtare mes Ramës dhe Metës duket se ka krijuar terrenin për rikthimin e Doshit pranë Ramës e PS-së.
Pasi doli nga prokuroria ku iu komunikua akuza ai tha për mediat se “Kjo bëhet për zgjedhje, por unë kam një mesazh dhe për elektoratin të rrinë të qetë, asgjë skam me ligjin unë do të vij në parlament. Të gjithë akuzat do të bijnë poshtë në Gjykatë. Nuk më pengon asnjë gjë përkundrazi do më rritet mbëshetja. Pretendoj të marr tre deputetë në Shkodër jo një. “Mbështes kryeministrin Rama, s’kam ofertë tjetër”.
Doshi është aktualisht deputeti i Shkodrës dhe gëzon mbështetje të fortë në këtë zonë. /tesheshi.com/
