Gjykata e Lartë ka shpallur të pafajshëm ditën e sotme deputetin e LSI-së Spartak Braho, i cili është akuzuar për shpifje nga ish deputeti socialist Tom Doshi.
Në seancën e mbajtur ditën e sotme, gjykata rrëzoi pretendimin e Doshit, i cili kërkoi që Braho të dënohej me shpifje dhe ta dëmshpërblente me 1 lek.
Seanca mes Doshit dhe Brahos bëhet pas padisë së deputetit të Shkodrës, i cili e ka kallëzuar për shpifje duke kërkuar dëmshpërblim 1 lek nga Braho, pasi sipas tij deputeti i LSI shpifi për raportin mjekësor të Tom Doshit.
Bëhet fjalë për raportin që justifikoi mospraninë e Doshit në mbledhjen e dytë të Komisionit të Mandateve, për shqyrtimin e kërkesës së prokurorisë për arrestimin e tij. /tesheshi.com/
