Tmerri i tregut të Krishtlindjeve në Berlin, tani mësohet se cak ishte edhe Merkeli

Në telefonin e Anis Amrit i cili më 19 dhjetor të vitit 2016 kreu një sulm terrorist në tregun e Krishtlindjeve, është gjetur një fotografi “selfie” e shkrepur para ndërtesës në të cilën banon Kancelarja gjermane Angela Merkel

Materialet në telefonin e tij kanë arritur t’i sigurojnë dy mediume gjermane, kurse besohet se zonja Merkel ka qenë një nga shënjestrat e tij.

Në pajisjen e agresorit ka xhirime të zonës përreth katedrales në Berlin, kurse sipas vlerësimeve të shërbimeve gjermane të sigurisë, ato mund t’i kenë shërbyer që ta ketë më të lehtë t’i gjej shënjestrat e mundshme.

Filmimet janë bërë më 23 tetor, shtatë javë para sulmit në tregun e Krishtlindjeve.

Anis Amri, me origjinë Tunizia, kishte sulmuar turmën e blerësve në Berlin, pak pasi iu kishte refuzuar kërkesa për emigracion. Ai kishte lënë të pajetë 11 persona dhe kishte lënduar 55 tjerë, ndërsa ishte arratisur drejt Italisë, ku u gjet pas katër ditësh. /tesheshi.com/